"Vostok" fýtbol klýby Túrkııadaǵy alǵashqy oqý-jattyǵý jıynyn aıaqtaıdy

Óskemendikterdiń jańa maýsymǵa daıyndyq kezinde shet elde ótkizgen alǵashqy bul jıyny 5 qańtarda bastalǵan bolatyn. Túrkııaǵa Almaty-Ystambul-Antalııa baǵyty boıynsha attanǵan olardyń sapynda baıqaýda júrgenderden Renat Abdýlın, Igor Avdeev, Maksım Zabelın, Evgenıı Lýnev, Rafael Orazbahtın, Sergeıa Ların, Dmıtrıı Mamonov sııaqty oıynshylar endi. Vahıd Masýdov tizginin ustaǵan «vostoktyqtar» 18 qańtarda Ýkraınanyń «Zare» (Lýgansk) klýbymen 2 kezdesý ótkizdi. Oıyndar 0:2 jáne 0:0 esebimen aıaqtaldy. 15 qańtarda Irannyń «Shahrdarı» (Tabrız) komandasymen (1:1) teń tústi. Al 11 qańtardaǵy alǵashqy kezdesýde Premer-lıgadaǵy qaraǵandylyq áriptesterine («Shahter») 2:3 esebimen ese jiberdi.