Voskoboeva Dýbaıdaǵy týrnırdiń alǵashqy aınalymynda jeńiske jetti
ASTANA. QazAqparat - Birikken Arab Ámirliginde áıelder arasynda ótip jatqan Dubai 2 ITF týrnırinde saıysqa túsip jatqan qazaqstandyq Galına Voskoboeva birinshi aınalymdy jeńispen bastady, dep habarlaıdy QazAqparat.
Ol óziniń slovakııalyq qarsylasy Krıstına Kýtsovany 2-0 (6:3, 6:2) esebimen tize búktirdi. K.Kýtsova osy týrnırge synǵa túsken tennısshiler arasynda WTA reıtınginde joǵary turǵandardyń qatarynda. Ol 82 orynda, al Galına Voskoboeva bolsa 352-shi orynda turǵan edi.
Týrnırdiń jalpy syıaqy qory 100 myń dollarǵa teń. Eger qazaqstandyq tennısshi saıysta top jaratyn bolsa, onyń reıtıngi 200-shi orynǵa deıin kóterilýi múmkin.
