Voronej zoobaǵynda barlyq qustardyń kózi joıylady
ASTANA. QazAqparat - Qus tumaýyna baılanysty Voronej zoobaǵyndaǵy barlyq qustardyń kózi joıylady. Bul týraly Voronej oblystyq prokýratýrasynyń saıtynda habarlandy.
«Jańajyldyq mereke kúnderi Voronej zoobaǵynda qustardyń ólimi tirkeldi, olardyń arasynda Qyzyl kitapqa engenderi de bar. Aldyn ala boljam boıynsha, olar qus tumaýy ınfektsııasynyń taraýynan ólgen. Osyǵan baılanysty zoobaqtaǵy qustardy jappaı evantazııalaý týraly sheshim qabyldandy», - delingen habarlamada.
Qanattylardyń jappaı ólimi boıynsha tekserý jumystary júrip jatyr.
Voronej zoobaǵynda 171 túrli 1,5 myń janýar ómir súredi. Atap aıtqanda, 44 túrli 159 qus bar. Onyń jeteýi Reseıdiń Qyzyl kitabyna engen.
