Voronej ýnıversıtetiniń rektory Vetnamǵa sapary kezinde qus tumaýyn juqtyryp aldy
ASTANA. 26 mamyr. QazAqparat - Reseıdiń Tótenshe jaǵdaılar mınıstrligi qyzmettik issapary barysynda aýyr indetke shaldyqqan
Voronej memlekettik sáýlet-qurylys ýnıversıtetiniń 41 jastaǵy rektory ıÝrıı Borısovke kómek kórsetý úshin Vetnamǵa juqpaly aýrýlar boıynsha dárigerlerden jasaqtalǵan ushaqty jiberdi. JOO basshysynan ókpeniń belgisiz aýrýy anyqtaldy, reseılik medıtsına qyzmetkerleri bul dert qus tumaýy bolýy múmkindigin joqqa shyǵarmaıdy. Bul týraly Rosbalt habarlady.
Borısovtyń jaǵdaıy múshkil bolǵandyqtan, ol Reseıge jetkiziletin bolady. Olar osy oraıda óz elderinde atalǵan azamatty emdeý úshin jańa qurylǵylar men bilikti mamandar bar ekenin alǵa tartýda.
Ýnıversıtet basshysy Vetnamǵa reseılik delegatsııa quramynda birneshe kún buryn barǵan eken. Keıin onyń jaǵdaıy nasharlaǵan soń, rektor Hoshımındegi klınıkalardyń birine jatqyzyldy. Ol óz betimen tynystaı almaıtyn kórinedi. Aldyn ala málimetter boıynsha, belgisiz ókpe respıratorly aýrýy dıagnozy qoıylyp, jergilikti dárigerler Borısovten qus tumaýyna taldaý aldy. Sebebi, bul indette osyǵan uqsas belgiler bar.
