Vorkýtadaǵy «Severnaıa» shahtasynda 36 adam qaza tapty
ASTANA. QazAqparat - Reseıdiń Vorkýta qalasyndaǵy «Severnaıa» shahtasyndaǵy jarylystan 36 adam qaza tapty. RF TJM baspasóz qyzmetiniń habarlaýynsha, qaza tapqandardyń ishinde 5 qutqarýshy bar, dep habarlady VVS agenttigi.
Eske sala keteıik, 25 aqpan kúni «Severnaıa» shahtasynda 780 metr tereńdikte eki jarylys bolǵan. 4 adamnyń qaza taýyp, 26 kenshiniń taǵdyry belgisiz dep habarlanǵan bolatyn. Sońǵy kúnderi shahtada izdeý-qutqarý jumystary júrgizilgen. Jeksenbige qaraǵan túnde, kútpegen jerden úshinshi jarylys bolyp, 5 qutqarýshy men 1 kenshiniń ómirin qıyp ketti. TJM aqparatyna súıensek, birinshi jarylys bolǵan kúni 77 adam jumysta istegen.
Apatqa baılanysty Komı Respýblıkasynda úsh kúndik aza tutý jarııalandy.
