Volvo júrgizýshilerge jolda kıno kórýmen ýaqyt qysqartýdy usynbaq
ASTANA. QazAqparat - Volvo kompanııasy Concept 26 kóligin shyǵarýdy josparlaýda. Munda júrgizýshiniń kólikti basqarýmen ǵana shektelmeı, joldaǵy ýaqytty barynsha tıimdi ótkizýi kózdelgen.
Óndirýshi avtosúıer qaýym men júrginshilerdiń qaýipsizdigin de eskergen. Volvo ınjenerleri amerıkandyq júrgizýshiler kún saıyn jolǵa jumsaıtyn ortasha ýaqyttaryn - 26 mınýtty barynsha qyzyqty ótkizýi qajet dep sanaıdy, sondyqtan da júrgizýshige Concept 26 úsh rejimdi usynady: kólik júrgizý, jumys isteý jáne kóńil kóterý. Birinshi rejim kólikti ádettegi basqarýǵa arnalǵan. Ekinshisi júrgizýden bólek, jyljymaly ústel men kompıýter kómegimen jumys isteýge, úshinshisi - joldy qysqartyp, dem alý úshin 25 dıýımdi monıtorda kıno kórip nemese mýzyka tyńdap, ýaqyt qysqartýǵa arnalǵan, dep habarlady "Popýlıarnaıa mehanıka" portaly.
