Volvo Ocean Race ıahtalar jarysynyń Tynyq muhıt kezeńi bastaldy
ASTANA. QazAqparat - Álemniń eń myqty ıahtalarynyń arasynda udaıy ótkiziletin Volvo Ocean Race jarysynyń Tynyq muhıt kezeńine start berildi, dep habarlaıdy QazAqparat euronews.com-ǵa silteme jasap.
Ashyq muhıtta 30 myń mılge jarysatyn 7 ıahtashylar komandasy regatanyń eń qıyn kezeńine kirdi. Muhıt báıgesiniń jetinshi básekesine qatysýshylar jeksenbi kúni Jańa Zelandııanyń Oklend portynan «jolǵa» shyqty. Osy kezeńde 7600 mılge sozylatyn jarys Brazılııanyń Itajaı portynda aıaqtalady.
Kezeńniń basynan Ispanııanyń MAPFRE komandasy ózgelerden oza shyqty. Ispanııalyq teńizshiler jalpy bıylǵy jarysta birinshi orynda keledi. Olar ekinshi oryndaǵy qytaılyqtardyń Dongfeng komandasynan 5 upaıǵa alda.
Eske sala keteıik, jalpy 11 kezeńnen turatyn 2017-2018 jylǵy Volvo Ocean Race-tiń ár kezeńin birinshi orynmen aıaqtaǵan komandaǵa 7 upaı, ekinshi komandaǵa 6 upaı, úshinshi orynǵa 5 upaı, t.s.s. beriledi. Jarystar 2017 jylǵy 14 qazanda Ispanııanyń Alıkante portynan bastalǵan, jospar boıynsha, 2018 jylǵy 21 maýsymda Gollandııanyń Gaaga qalasynda márege jetedi.
