Volonterlik qyzmetti esepke alý tizilimin júrgizý jónindegi qaǵıdalar jańartylmaq
ASTANA. KAZINFORM – Volonterlik qyzmetti esepke alý tizilimin júrgizý jónindegi qaǵıdalar jańartylmaq. Mádenıet jáne aqparat mınıstriniń tıisti buıryǵy Elektrondy nysandaǵy normatıvtik quqyqtyq aktilerdiń etalondy baqylaý bankinde jarııa etildi.
Jańartylǵan qaǵıdalarǵa sáıkes, volonterlik qyzmetti esepke alý tizilimin júrgizý tártibi mynadaı:
- ýákiletti organ tizilimdi osy qaǵıdalarǵa 1-qosymshaǵa sáıkes nysan boıynsha qazaq jáne orys tilderinde júrgizedi;
- tizilimge qosý úshin volonterler, volonterler toptary, volonterlik uıymdar, volonterlerdi úılestirýshi men volonterlik qyzmetti uıymdastyrýshylar (budan ári – aryz ıesi) osy qaǵıdalarǵa 2-qosymshaǵa sáıkes nysan boıynsha qazaq jáne orys tilderinde tizilim men saýalnamaǵa qosý týraly aryzdy volunteer@mki.gov.kz elektrondyq poshtaǵa jiberedi;
- aryz ıesiniń qyzmeti týraly málimetterdi alǵan kezde ýákiletti organnyń qyzmetkeri ótinishter men saýalnamalardy toltyrýdyń tolyqtyǵy turǵysynan qaraıdy;
- ýákiletti organnyń qyzmetkeri aryz ıesi týraly málimetter tizilimge kelip túsken kezde olardy 5 (bes) jumys kúni ishinde qaraıdy. Aryz ıesi óz qyzmeti týraly usynǵan málimetterdiń tolyqtyǵy anyqtalǵan kezde ýákiletti organnyń qyzmetkeri aryz kelip túsken kúnnen bastap 5 (bes) jumys kúni ishinde olardy pysyqtaýǵa jiberedi. Aryz ıesi 3 (úsh) jumys kúni ishinde óz qyzmeti týraly málimetterdi pysyqtaıdy jáne volunteer@mki.gov.kz elektrondyq poshtaǵa tizilimge qosý úshin qaıta jiberedi;
- pysyqtalǵan ótinim osy Qaǵıdalardyń 10-tarmaǵynda kózdelgen merzimderde usynylmaǵan jaǵdaıda ýákiletti organ aryz ıesin tirkeýden bas tartady;
- málimetterdi tizilimge qosý nemese bas tartý aryz ıesine elektrondyq poshtaǵa habarlama arqyly resimdeledi;
- volonterlik qyzmetti toqtatý aryz ıesiniń bastamasy boıynsha sheshim qabyldanǵan kezden bastap 10 (on) jumys kúni ishinde volunteer@mki.gov.kz elektrondyq poshtasyna erkin nysandaǵy habarlama negizinde júzege asyrylady, bul týraly tizilimde belgi jasalady.
Tazalyq saqtaýdaǵy volonterler róli týraly jazǵan bolatynbyz.