Volonterlikti jáne úkimettik emes sektordy yntalandyrýǵa baǵyttalǵan qadamdar engiziledi
«Nazarlaryńyzǵa volonterlik pen qaıyrymdylyqty jáne úkimettik emes uıymdardy qoldaýǵa qatysty Zań jobasyn usynamyz. Atalǵan zań jobasy Memleket basshysy Qasym-Jomart Kemeluly Toqaevtyń azamattyq qoǵamdy qoldaý týraly tapsyrmalaryn oryndaýǵa baǵyttalǵan. Zań jobasyn ázirleý barasynda qoǵam ókilderiniń usynystary eskerildi. Osylaısha, 5 kodekske jáne 10 zańǵa ózgerister men tolyqtyrýlar engizildi. Atap aıtqanda, 39 jańa norma jáne qoldanystaǵy zańnamaǵa 37 ózgeris kózdelgen. Zańnamalyq jańashyldyqtar atalǵan salalardy retteýge emes, eń aldymen, qaıyrymdylyqty, volonterlikti jáne úkimettik emes sektordy yntalandyrýǵa jáne damytýǵa baǵyttalady», - dedi QR Aqparat jáne qoǵamdyq damý vıtse-mınıstri Bolat Tilepov.
Volonterlik jáne qaıyrymdylyq qyzmetke toqtalǵan ol, qaıyrymdylyq jáne volonterlik uıymdary memlekettik múlikti jeńildikpen paıdalanýy úshin senimgerlik basqarýǵa berý
týraly normalar engizilgenin aıtty.
«Qaıyrymdylyq sýbektilerin yntalandyrý maqsatynda, olarǵa qurmetti ataqtar berý tetigi kózdelgen. Qaıyrymdylyq salasyndaǵy ýákiletti organ uǵymy engizilip otyr. Onyń qyzmeti qaıyrymdylyq salasyndaǵy memlekettik saıasatty iske asyrýǵa, salaaralyq úılestirýdi qamtamasyz etýge, azamattyq qoǵammen ózara is-qımyldy jaqsartýǵa baǵyttalady», - dedi vıtse-mınıstr.
Onyń aıtýynsha, bıznesti volonterlik pen qaıyrymdylyqqa qatysýǵa yntalandyrý úshin zań jobasyna korporatıvtik volonterlik pen korporatıvtik qaıyrymdylyqty reglamentteıtin normalar engizildi.
«Eriktilerge azamattyq qyzmetke ornalasý kezinde artyqshylyqtar beriledi. Atap aıtqanda, memlekettik mekemelerge, qazynalyq kásiporyndarǵa jumysqa ornalasý kezinde konkýrstyq komıssııa kandıdattyń volonterlik tájirıbesin eskeredi. Buǵan uqsas yntalandyrý sharalary qoldanystaǵy zańnamaǵa sáıkes memlekettik qyzmetke kirý kezinde qarastyrylǵan», - dedi vıtse-mınıstr.
Sonymen qatar, zańnamany jetildirý aıasynda granttyq qarjylandyrý júıesin qaıta formattaý jáne ÚEU-men ózara is-qımyldyń jańa tetigi - strategııalyq áriptestikti engizý usynylady.
«Granttyq qarjylandyrýǵa qatysty toqtalsaq, granttar júıesiniń gradatsııalanǵan negizde kelesi túrlerin engizý kózdeledi: qysqa merzimdi, orta merzimdi jáne uzaq merzimdi jobalar. Bul rette, granttyń túrine qaraı qarjylandyrý kólemi, merzimi, ÚEU-nyń konkýrsqa qatysý sharttary jáne eseptilikke qatysty talaptar aıqyndalady. Sóz joq, bul tásil granttyq qarjylandyrý rásimderin jeńildetedi», - dedi B. Tilepov.
Ekinshiden, ózekti baǵyttar boıynsha granttardy josparlaýdyń jańa formatyn engizý kózdelgen. Bul granttardy halyqtyń qajettilikterine tikeleı baǵyttaıdy. Atalmysh tetik «tómennen joǵaryǵa» tásilin engizýge múmkindik beredi. ıAǵnı, ÚEU-lar óz jobalary arqyly qoǵamdaǵy ózekti máselelerge shuǵyl den qoıyp, sheshimderdi ýaqytyly qabyldaıdy.
«Úshinshiden, granttyq saıasattyń salalyq tásilin keńeıtý úshin ortalyq memlekettik organdarǵa operator arqyly granttar usynýǵa quzyretter beriledi. Tórtinshiden, granttardyń tıimdiligin baǵalaý tetigin engizý kózdelgen. Bul úkimettik emes uıymdardyń qyzmet sapasyn anyqtaýǵa, bıýdjettik shyǵyndardyń tıimdiligin qadaǵalaýǵa jáne granttardyń ómirsheńdigin baǵalaýǵa múmkindik beredi», - dedi Bolat Tilepov.
«Strategııalyq áriptestikke qatysty toqtalsaq, bul - ÚEU-men ózara is-qımyldyń jańa tetigi. Máselen, Ulybrıtanııada memleket tájirıbeli ÚEU-men uzaq merzimdi yntymaqtastyqty júzege asyrý úshin strategııalyq áriptestikti ornatady. Biz de osy tájirıbeni negizge alyp otyrmyz. Memlekettik organdar strategııalyq áriptester pýlyn beıindi ári barlyq jerde ókildikteri bar ÚEU-lar qatarynan qalyptastyrady. Bul qoǵammen baılanysty jandandyrýǵa jáne suranystardy dereý Úkimettiń kún tártibine qoıyp otyrýǵa múmkindik beredi», - dedi vıtse-mınıstr.
