Volonterlik qyzmettiń róli kún saıyn artyp keledi - Dmıtrıı Frıshın
«Ásirese Ortalyq Azııada, Qazaqstanda ulttyń básekege qabilettiligin arttyrý basymdyqtardyń birine aınalyp otyr. Ol memlekettiń áleýmettik, sonymen qatar ekonomıkalyq damýyna yqpal etedi. Men mundaı sharalardyń uıymdastyrýyna jáne ótkizilýine qoldaý bildiremin. Óıtkeni, ol ulttyń básekege qabilettiligin arttyrý ındıkatory jáne áleýmettik-eknomıkalyq damý úshin tabys kepili sanalady. Shyndyǵynda, búginde biz búkil álemdegi, sondaı-aq jekelegen el, qoǵamdastyq deńgeıindegi volonterlik qyzmettiń róli jaıynda sóz qozǵap otyrmyz. Bul ról kúnnen kúnge artyp kele jatyr. Biz turaqty damý maqsattaryna qol jetkizýge umtylamyz. Óıtkeni, bul barlyq Úkimetter jasaqtaǵan ári maquldaǵan basymdyqtar sanalady», - dedi ol «Damý tarıhy: ishteı kózqaras» atty 11-shi jyl saıynǵy halyqaralyq konferentsııada.
Onyń atap ótýinshe, qazirgi ýaqytta koronavırýs indeti turaqty damý maqsatyndaryna qol jetkizý jolynda qosymsha kedergiler týyndatyp otyr. Oryn alǵan jaǵdaı búkil álem turǵyndaryn is júzinde barynsha kúrdeli qubylysqa tap qyldy. Al oǵan álem jurtshylyǵy daıyn bolmaı shyqty.
«Volonterlik qyzmetti damytý elder arasyndaǵy baılanysty barynsha tómendetýge múmkindik berdi. Sebebi volonterler jumystyń jańa baǵytyna kóship, tsıfrlyq volonterlik damydy. Bizde barlyq óńirler boıynsha birqatar jaqsy tájirıbe bar. Bul tájirıbeler volonterliktiń qýatyn bildiredi. Volonterler barlyq jerde kez kelgen ýaqytta kómekke keledi. Bul olardyń qandaıda bir materıaldyq emes nemese materıaldyq kómekti tikeleı kórsetý ǵana bolǵan joq. Bul ózindik sıpattaǵy ınnovatsııaǵa da aınaldy», - dedi Dmıtrıı Frısher.
