Volonterlik qyzmet aıasyn keńeıte túspekshimiz – Dýlat Júsipqalıev

ORAL. QazAqparat – Ár óńirde volonterlik qyzmet aıasyn keńeıtý mańyzdy. Bul týraly Oral qalalyq jastar resýrstyq ortalyǵy jastar bastamalaryn qoldaý bóliminiń basshysy Dýlat Júsipqalıev málim etti, dep habarlaıdy QazAqparat tilshisi.
None
None

Onyń aıtýynsha, elordada ótip jatqan «BIRGEMIZ» respýblıkalyq front-keńsesiniń keshendi is-sharalaryna Batys Qazaqstan oblysynan otyzdan astam volonter qatysýda.

Prezıdent Qasym-Jomart Toqaevtyń saltanatty otyrysta atap ótkenindeı, volonterlik qyzmet endi eńbek ótiline kiretin bolady. Bul – qýanyshty jaǵdaı. Budan eriktiler sany kóbeımese, azaımaıtyny anyq.

Sol sekildi úzdik dep tanylǵan volonterlar memlekettik nagradaǵa usynylmaqshy.

Stýdenttik áleýmettik kredıt jobasy da júzege asyrylmaqshy. Bylaısha aıtqanda, volonterlik qyzmeti úshin joǵary oqý oryndarynyń stýdentterine qarjylaı aqy tólenedi. ıAǵnı bes baǵyt boıynsha 20 saǵattyq jáne 50 saǵattyq jumys kólemin atqarsa, sáıkesinshe 20 jáne 50 myń teńgeden alady. Bıyl bul baǵyttar kóbeıtilip, 70 saǵatqa, 70 myń teńgege deıin jetpek.

-Dýlat, volonterlar jylyna oraı oblys kóleminde qandaı jumystar atqarylýda?

-Iá, óńirde ataýly jyl aıasynda is-sharalar josparlanyp, qolǵa alyndy. Qazirgi tańda Oralda jeti baǵyt (bilim, asyl mura, úmit, qamqor, saýlyq, taza álem, sabaqtastyq) boıynsha jumystar istelýde.

Bilim baǵyty boıynsha Oral qalasy jastar resýrstyq ortalyǵynda repetıtorlyq qyzmet júzege asyrylýda. Eriktiler túrik, aǵylshyn tilderin jáne gıtarada oınaýdy tegin úıretýde.

Asyl mura boıynsha qala jastary úshin «Ulttyq aspapty úıren» atty tegin kýrs ashyldy. Sondaı-aq qaladaǵy barlyq eskertkishter týraly málimetter jınaqtalyp, ol mobıldik qosymshaǵa júktelmekshi.

Úmit baǵyty boıynsha qalada 48 maıdanger bolsa, sol ardagerlerimizdi eriktilerimiz bólip aldy. Bizdiń ortalyq 10 maıdangerdiń qal-jaǵdaıyn bilip, qajetti kómek kórsetedi.

Qamqor boıynsha múmkindigi shekteýli, kópbalaly, tabysy az otbasylarǵa járdem berilýde. Bul rette «Biz sizben maqtanamyz» jobasy aıasynda óńirge tanymal kásipkerler, qaıratkerler men óner adamdary muqtaj jandarǵa azyq-túlik jáne basqalaı kómek kórsetse, bizder sol jarqyn isterdi buqaralyq aqparat quraldary, áleýmettik jeliler arqyly jarııa etip, alǵysymyzdy bildiremiz.

Saýlyq baǵyty boıynsha Batys Qazaqstan joǵary medıtsınalyq kolledjinde oqıtyn volonterlar qaladaǵy aýrýhanalarǵa, medıtsına mekemelerine bólinip, tıisti qyzmetterin atqarýda.

Taza álem boıynsha «Ekosaqshy» jobasy júzege asyrylýda.

Sabaqtastyq boıynsha «Biz – jetistik joly» jobasy aıasynda tabysqa jetken tanymal adamdarmen balalar úılerine baryp, kezdesýler ótkizip, olar aqyl-keńesterin aıtyp, ómirlik tájirıbelerimen bólisedi.

Taǵy bir aıtarym, óńir basshysy Ǵalı Esqalıevtiń tapsyrmasyna sáıkes volunteer07.kz saıty jasaqtaldy. Onda bolatyn sharalar aldyn ala habarlanady. Sodan keıin ótkenderi jóninde aqparat, esepter berilip, otyrady. Soǵan sáıkes jyl sońynda úzdik eriktiler anyqtalatyn bolady.

Bir sózben aıtqanda, elimizde jastardyń volonterlik qyzmetpen aınalysýyna barynsha jaǵdaı jasalýda. Biz sol múmkindikti paıdalana bilýimiz kerek.


Сейчас читают