Volonterlerge oqyǵanda jáne jumysqa turǵanda jeńildikter berilýi múmkin

NUR-SULTAN. QazAqparat – Qazaqstanda volonterlerdiń biryńǵaı bazasy qurylýy múmkin, dep habarlaıdy QazAqparat tilshisi.
None
None

Bul týraly «Eriktiler lıgasy» qoǵamdyq qorynyń tóraǵasy Aısulý Ernııazova Nur-Sultan qalasynda ótip jatqan qazaqstandyq-amerıkalyq jastar forýmynda aıtty.

«Jastar jylynda biz Almaty qalasynda 8 baǵyt boıynsha iske asyrylyp jatqan «Ashyq júrek» jobasyn jasap shyqtyq. Onyń biri egde býyndy qoldaýǵa baǵyttalǵan. Qazaqtyń saltynda aǵa býyn ókilderi shańyraqtyń uıytqysy bolǵany beligli. Alaıda, qazir aramyzda jas býynnyń qamqorlyǵyna zárý qarııalar bar. Baspanasyz qalǵan adamdar da kezdesedi. Bizdiń volonterler birinshi kezekte osyndaı adamdardy tabýǵa, olardyń qujattaryn qalpyna keltirýge kómektesedi. Keıdi jalǵyzilikti qarttarǵa qonaqqa baryp, azyq-túlik jetkizip berý, úıin jınastyrý sııaqty qarapaıym sharýalaryna qolǵabys etemiz. Ondaı kómekke muqtaj jandar bizdiń bazaǵa túsip otyrady. Árqaısyna jeke erikti bekitemiz. Ekinshi baǵyt – kóp balaly otbasylardy qoldaý. Bul – bizdiń demografııalyq negizimiz. Barlyq ata-ana balasyn tolyq qamtamasyz ete alyp jatqan joq. Biz memlekettik baǵdarlamalardan tys qoldaý kórsetýge tyrysamyz», - dedi Aısulý Ernııazova.

Onyń aıtýynsha, elimizde erikti toptardyń biryńǵaı bazasy qurylatyn bolady. «Volonterler múgedekterge kómektesip turǵyndarmen birge demalys oryndarynda tazalyq jumystaryn júrgizýge, úısiz janýarlardy qatygezdikten qorǵaýǵa, qaıyrymdylyq kontsertter uıymdastyrýǵa atsalysyp júr. Sonymen qatar, Qordyń eriktileri oqýshylar men stýdentterge shet tilderdi tegin oqytý jobalaryn qolǵa alǵan. Al kóp balaly otbasylardyń balalaryna arnap túrli úıirmeler júrgizedi. Elimizde erikti toptardyń biryńǵaı bazasy qurylady. Ondaǵy derekter erikti bolyp qyzmet etken jastar jumysqa turý úshin túıindeme ótkizgende nemese oqýǵa túsý úshin qujat ótkizgende belgili bir jeńildikterge jol ashatyn bolady», - dedi Aısulý Ernııazova.


Сейчас читают