Volonterler jabyrqaǵannyń janynan tabylyp júr - Saǵatbek Qýanyshbaıuly
Eriktiler shtaby bıylǵy jyly qurylǵan. Qysqa ýaqyt bolsa da olar kóptegen ıgilikti isterge uıytqy bolyp úlgerdi. Eriktiler qatarynda jastardyń sany basym. Shtab jetekshisi Saǵatbek Qýanyshbaıulynyń aıtýynsha, alǵashqy kezde oǵan qatysýǵa nıet bildirgen azamattarǵa irikteý júrgizilgen. Sol kezde jastardyń sany kóp bolǵanyn baıqaıdy. Osylaısha eriktiler ózderiniń jumystaryn bastap ketti. Alǵashqy eki aıdyń ózinde turmysy tómen qanshama otbasy men múmkindigi shekteýli azamat olardyń qoldaýyna ıe boldy.
«Memleket basshysy bıyl Eriktiler jyly retinde jarııalady. Bul óte durys sheshim boldy dep sanaımyn. Halqymyz qashannan da jabyrqaǵannyń janynan tabylyp, eńsesi túskendi qoltyqtan demeı bildi. Asar ádisimen talaı adam baspanaǵa ıe bolsa, jylý jınaý arqyly qıyndyqqa kezikken jandar eldiń qamqorlyǵyn kórdi. Qazirgi kúni biz sekildi eriktiler sondaı janashyr kóńilmen talaı adamǵa qol ushyn sozyp keledi. Olardyń qatarynda jastardyń basym bolýy meni qýantady. Atadan jetken asyl qasıet búgingi býynnyń boıynda taǵy bir márte jarqyrap, ol urpaqtan urpaqqa jalǵasa beredi degen senimdemin», - dedi Saǵatbek.
Saǵatbektiń ózi 2016 jyldan beri osyndaı qaıyrymdylyq sharalarymen aınalysyp keledi. Óziniń ıdeıasymen aldymen «Jyly júrekti jastar» tobyn qurǵan bolatyn. Oǵan 25-ke jýyq jastar erikti bolyp qabyldanǵan.
«Alda josparymyz kóp. Qaýipti indettiń beti qaıtqannan keıin oıǵa alǵan jumystardy jalǵastyratyn bolamyz. Bizdiń shtabtyń ataýyna oraı burynǵysynsha jabyrqaǵannyń janynan tabylyp, qol ushyn sozý isin jalǵastyra beretin bolamyz. Biz búgingi kúnge deıin múmkindigi shekteýli jandarǵa arnalǵan beıimdeý ortalyǵynda arnaıy shara ótkizgen edik. Sondaı-aq, turmysy tómen otbasylarǵa qamqorlyq jasadyq. Endi sol jumystar aıasyn keńeıte túsýdi kózdep otyrmyz. Osyndaı ıilikti ister Qasıetti Ramazan aıynda da júzege asyrylýda. Oǵan qosa balalarǵa arnalǵan is-sharalardy kóbeıtýge kóńil bóletin bolamyz. Joǵary oqý oryndary, kolledjder men mektepterde eriktiler klýbyn damytýǵa mán bermekpiz. Sol arqyly jastar arasynda tárbıe jumystaryn júrgizýge jol ashylady. Jalpy, bireýge kómek berý úshin asyp-tasqan baı bolý mindetti emes. Árbir azamattyń júreginde janashyrlyq sezimi bolsa jetip jatyr», - dedi Saǵatbek.