Volonterler Qarqaraly ulttyq parkindegi jartastardy jazýlardan tazartýda
Tanymal týrıstik marshrýttar boıyndaǵy jazýlar men sýretterdi tazartý bastamasy Kazakh Tourism ulttyq kompanııasyna tıesili jáne ony Jana Dunie qaıyrymdylyq qory qoldady. Al Qarqaraly eriktileri qaraǵandylyq belsendilermen birge Kazakh Tourism kompanııasyna resmı hat joldap, jartastaǵy jazýlardy óshirýge qajetti jabdyqtarmen qamtamasyz etýdi surady.
«Qazaqstanda etnotýrızm belsendi damýda. Adamdar kıeli jerlerge, tabıǵı týrıstik baǵyttarǵa qyzyǵýshylyq tanytady. Ókinishke oraı, kóbinese tabıǵatta demalýshylar tek qoqysty ǵana emes, sonymen qatar jartastarda jazýlardy da qaldyrady. Jartastar - bizdiń dalamyzdyń injý-marjany jáne olar aqyl-oıy taıaz adamdardyń «shyǵarmashylyǵynan» zardap shegedi. Jazýlar peızajdy buzady jáne tabıǵattyń biregeı sulýlyǵyn qurtady»,– dep atap ótti volonter jáne Qarqaraly aýdandyq máslıhatynyń depýtaty Dáýren Rahymbek.
Eriktiler jazbalardy arnaıy hımııalyq eritindimen tazartty. Keıbir jerlerde olar gaz qyzdyrǵyshtaryn qoldanýǵa májbúr boldy. Jastar alǵa qoıylǵan mindetti oryndap, endi Úsh úńgirdiń qabyrǵalary alǵashqy kelbetine ıe boldy.
Jazýlardy joıýdan basqa, aktsııaǵa qatysýshylar senbilik te ótkizdi.
«Jazýlardy joıý boıynsha osyndaı aktsııalar óz jalǵasyn tabady. Biz oblys turǵyndary men Qarqaraly memlekettik ulttyq tabıǵı parkiniń qonaqtaryn tabıǵatty qorǵaýǵa shaqyrǵymyz keledi. Sondaı-aq bolashaqta biz ulttyq parkte tabıǵatty qorǵaýǵa shaqyratyn taqtaıshalar ornatýdy josparlap otyrmyz, sebebi biz jerimizdi urpaqtarymyzǵa bastapqy kúıinde saqtap, berýge mindettimiz», – dep tolyqtyrdy volonter Janaraı Sanaqbaı.
