Volonterler Qapshaǵaı tasjolyn vandaldyq jazbalar men qoqystan tazartty
«Qaıyrymdy ister marafony» jalpyulttyq jobasynyń qatysýshylary Qapshaǵaı tas jolyn vandaldyq jazbalar men qoqystardan tazartýǵa baǵyttalǵan aýqymdy ekoaktsııa ótkizdi.
Jobany Kazakh Tourism ulttyq kompanııasynyń, Qapshaǵaı qalasy ishki saıasat bólimi, Almaty oblysynyń týrızm basqarmasy men QR AQDM qoldaýymen «Jana Dunie» qoǵamdyq qory uıymdastyrdy.
Kúnniń aptap ystyǵyna qaramastan, olar úlken jumys atqardy: jartastardaǵy ondaǵan jazbalardy óshirip, alty qap qoqys jınady.
«Bul óte kúrdeli lokatsııa boldy. Kirdiń bárin muntazdaı qylyp tazartý múmkin bolmady, sebebi boıaýdy óshirý qıynǵa soqty. Biz tek jazbalardyń ózin ǵana súrtip tastadyq. Bizdiń tabıǵatymyzdyń áýelgi sulýlyǵyn qaıtarýǵa mindettimiz! Nelikten? Sebebi qanshalyqty keremet jerde turyp jatqanymyzdy, onyń ústine barymyzdy baǵalaı bilýimiz kerektigin tek adamdar ǵana sezinip, túsine alady», - deıdi óz áserin bólisken «Jana Dunie» qoǵamdyq qorynyń ókili Baǵdat Aqbıeva.
Tazalyq jumystarynan bólek, ekoaktsııa barysynda qoǵamnyń nazaryn qorshaǵan ortany qorǵaýǵa aýdartýǵa baǵyttalǵan naǵyz art-perfomans uıymdastyryldy.
«Tabıǵat ta jaýap bere alady» uranymen uıymdastyrýshylar qoldary men betterine ádette týrıster tabıǵı oryndarǵa jazyp ketetin jazýlardy jazyp aldy. Kreatıvti túsirilimge volonterler, belsendiler men Yolohouse-tan kelgen qazaqstandyq tık-tokerler qatysty.
«Perfomanstyń ıdeıasy keremet-aq. Osyny eń az degende bir adam kórip, ózinen keıin jazba qaldyrýdan arylsa, munyń ózin eńbektiń aqtalǵany dep aıtýǵa bolady. Shynymdy aıtsam, kúni búginge deıin osyndaı oısyz jazbalardy qaldyratyn adamdardyń baryna sengim kelmeıdi. Bizdiń býyn ǵana tabıǵat aıasynda qalaı demalý kerektigin kórsetetinine senimdimin», - deıdi volonterlerdiń biri.
Budan buryn osyǵan uqsas aktsııalar «Býrabaı» ulttyq parkinde, Qarqaraly memlekettik ulttyq tabıǵı parkinde jáne Іle-Alataý ulttyq parkinde ótkizilgen.
«Biz bul aktsııanyń aýqymyn ulǵaıtyp, 24 shildede ótetin jazǵy Qaıyrymdylyq kúnine aıasynda eldiń ár aımaǵynda uıymdastyrýdy jón kórip otyrmyz. Sonymen qatar, bul joly da Jana Dunie qoǵamdyq qorymen birigip, biz «Óz elimde iz qaldyrmaı Sayahattime» ataýymen árbir aımaqta jartastar men sý qoımalaryn tazartý aktsııalaryn ótkizemiz. Ekologııa – búgingi tańda álemdegi eń kúrdeli problemalardyń biri. Biz qazaqstandyqtardyń bárin de Qaıyrymdylyq kúnine atsalysyp, qorshaǵan ortaǵa qamqor bolýǵa shaqyramyz», - deıdi «Azamattyq bastamalardy qoldaý ortalyǵy» KEAQ Basqarma tóraǵasy Lıma Dıas.
Eske sala keteıik, «Qaıyrymdy ister marafony» jalpyulttyq jobasy Qazaqstan Táýelsizdiginiń 30 jyldyǵyn merekeleý aıasynda Memleket basshysy Qasym-Jomart Toqaevtyń bastamasymen osy jyldyń aqpan aıynda bastalǵan bolatyn. Joba Azamattyq bastamalardy qoldaý ortalyǵy jáne Aqparat jáne qoǵamdyq damý mınıstrliginiń qoldaýymen ótkizilip jatyr. Jyl basynan beri marafonǵa 2,5 mln astam adam qatysty, naqty kómek 167 myń adamǵa kórsetildi.
Marafonǵa nıet bildirgen kez kelgen azamat qatysa alady.
Ol úshin óziniń jaqsy isterin áleýmettik jelilerde #QAIYRYMDYІSTERMARAFONY #MARAFONDOBRYHDEL resmı heshtegimen jarııalaýy kerek.
