Volonterler elordalyq áıelderge myńnan asa qyzǵaldaq gúlin syılady

NUR-SULTAN. QazAqparat – Halyqaralyq áıelder merekesi qarsańynda elordalyq volonterler «Kóktem shýaǵy» aktsııasyn ótkizdi. Bul týraly QazAqparat ákimdik saıtyna silteme jasap habarlaıdy.

5-8 naýryz kúni ótetin aktsııa aıasynda aıaýly arýlar men analarǵa myńnan asa qyzǵaldaq gúlin syılaıtyn bolady. Búgingi aktsııa qala halqy kóp shoǵyrlanǵan «Astanalyq» saýda ortalyǵy men «Tulpar» saýda úıiniń irgeles aýmaǵynda ótti.

Volonterler saýda ortalyǵynyń qyzmetkerlerin merekemen quttyqtap, izgi tilekterin bildirdi. Aktsııaǵa 20 erikti qatysty, olardyń ishinde kásipkerlikpen aınalysatyn volonterler de bar. Volonterlar kóktemgi merekede áıel azamattarǵa jaqsy kóńil-kúı syılaý arqyly erekshe áserge bólengenderin atady.

«8 naýryz erekshe meıram. Kóktem merekesi. Bizdiń aktsııamyz ardaqty analarǵa, apa-qaryndas tarǵa, barlyq áıelder qaýymyna arnalady. Gúl syılap turǵan alǵashqy sekýndtarda qyzdar tańdanyp, senimdikpen qaraıtyn. Keıinnen qýanyp, osylaı kóńil bólgenimizge alǵystaryn bildirip jatty», - dedi elordalyq volonter Adılet Baıbosynov.

Aktsııa 8 naýryzǵa deıin sozylady jáne volonterlar gúldi kommýnaldyq sala qyzmetkerlerine, mádenıet, medıtsına jáne áleýmettik sala qyzmetkerlerine, sondaı-aq, túrli sala mamandaryna taratady.