Volonterler eki qalada 800 azyq-túlik paketin taratady

ALMATY. QazAqparat - Qazaqstannyń Qyzyl Jarty aı halyqaralyq gýmanıtarlyq qozǵalysy eki qalanyń áleýmettik osal toptaryn azyq-túlikpen qamtamasyz etýdi qolǵa aldy, dep habarlaıdy QazAqparat tilshisi.

Uıymnyń málimetinshe, KMF mıkroqarjy uıymy men «KMF-Demeý» qory 800 azyq-túlik paketin satyp alýǵa 4 mıllıon teńge bóldi. 100 jıyntyq Nur –Sultan qalasyna jóneltiledi, al qalǵan 700-i Almatyda taratylady.

Azyq-túlik sebeti muqtaj otbasylarǵa baılanyssyz ádis arqyly jetkiziledi. Bul ádis alýshynyń qaýipsizdigin arttyrý úshin qoldanylady, ásirese eger ol COVID-19 koronavırýs aýrýynyń qaýipti aımaǵyna turatyn bolsa.Ár volonter jeke qorǵanys quraldarymen jáne sanıtaızermen qamtamasyz etilgen.

«Qyzyl Jarty aı, ár alýshynyń atynan, KMF mıkroqarjy uıymyna osy qıyn ýaqytta kórsetken qoldaýy úshin rızashylyǵyn bildiredi. Jetkizilgen azyq-túlik muqtaj adamdarǵa úlken qoldaý bolmaq. Adamgershilik pen meıirimdilik - bul adamzat úshin basty uǵym! Ásirese qazirgi jaǵdaıda «, – deıdi Qyzyl Jarty aı qozǵalysynyń áleýmettik kómek departamentiniń dırektory Dana Bakıeva.

Onyń aıtýynsha,búgingi tańda Almaty qalasy boıynsha 206 sebet taratyldy. Buǵan deıin respýblıkada 700-den astam adamǵa azyq-túlik paketi jetkizilgen. 68 qazaqstandyq dári-dármekpen qamtamasyz etildi. Qyzyl Jarty aıdyń oblystyq fılıaldary 700-ge jýyq maska tigip, halyqqa taratyp berdi.