Volonterler 500 myń medıtsınalyq maskany tegin taratty
Maskalar balalar úılerine, aýrýhanalarǵa jáne halyqtyń áleýmettik osal toptaryna jaqyn ýaqytta beriledi. Aıta ketý kerek, front-ofıs BIRGEMIZ urany aıasynda 150-den astam uıymdy biriktiredi.
«Búginde «Ulttyq volonterlik jeliniń», «Meıirimdiler klýbynyń» jáne «Astana jastarynyń» volonterleri «Nurly júrek», «Sharapat» áleýmettik qyzmet kórsetý ortalyqtarynda jáne elordalyq Balalar úıinde boldy. Búginniń ózinde 14,5 myń maska tarattyq. Qalǵan maskalar Nur-Sultan jáne Almaty qalalaryndaǵy muqtaj azamattarǵa jaqynda taratylady. Ult densaýlyǵy úshin buryn-sońdy bolmaǵan búgingideı aýqymdy jumystar jasalyp jatqan tusta ortaq iske ár adam óz úlesin qosa alady. Tipti, qarapaıym sanıtarlyq erejelerdi saqtaý, ózin-ózi oqshaýlaý jáne maska kııý osy indetke qarsy kúreste asa mańyzdy ról atqarady», - delingen respýblıkalyq front-ofıstiń Іnstagram paraqshasyna .
