Volonterler 10 myń otbasyna azyq-túlik jetkizbek

NUR-SULTAN. QazAqparat – Jas Otan eriktileri taǵy 10 000 otbasyny azyq-túlikpen qamtıdy. Bul týraly «Jas Otan» jastar qanatynyń jetekshisi Elnur Beısenbaev aıtty, dep habarlaıdy QazAqparat.

«Biz birgemiz» aktsııasynyń ekinshi kezeniń bastaımyz. Osy aktsııa aıasynda 10 000-nan astam áleýmettik osal sanattaǵy otbasylardy, birinshi qajettiliktegi azyq-túlik ónimdermen jáne betperdelermen qamtamasyz etemiz. Atalmysh aktsııa mamyr aıynyń ortasyna deıin jalǵasady», - dedi Elnur Beısenbaev.

Ár qorapta 30 kg astam azyq-túlik bar. Oǵan birinshi qajettiliktegi azyq-túlik ónimderi, jarma, makaron ónimderi, kúnbaǵys maıy jáne sháı sekildi taýarlar kiredi. Sondaı-aq, azyq-túlikpen pen qosa, otbasylarǵa betperdeler jetkiziledi. Ár otbasyǵa 50 dana.

Sonymen qatar, Elnur Beısenbaev ótken aptada «Birgemiz» qory satyp alǵan 5 mln qorǵanys betperdeni, elimizdiń 3 iri qalalarynyń turǵyndaryna taratylyp jatqanyn aıtty.

«Búgingi kúnge deıin 2 mln-nan astam maska 40 000 otbasyǵa taratyldy.

Jalpy alǵanda bul iske elimiz boıynsha 3000-nan astam erikti qatysýda.

Osy jaǵdaıdy paıdalana otyryp, biz óz densaýlyǵyn qaterge tigip, qyzmet etip jatqan, barlyq volonterlarǵa erekshe alǵys bildiremi»z, dep atap ótti «Jas Otan» jetekshisi

19 naýryzdan bastap Jas Otan-nyń 3000-nan astam eriktileri 56 myńnan astam otbasyn birinshi qajettiliktegi taýarlarmen qamtamasyz etýge kómek kórsetti.

Kún saıyn Nur-sultan jáne Almaty qalalarynda eriktiler 1200-den astam jalǵyzbasty zeınetkerlerdi ystyq tamaqpen qamtamasyz etedi.

Aıta ketsek, «Birgemiz» qory búgingi tańda 152 000 az qamtylǵan otbasylarǵa 50 000 teńgeden qarjylaı kómek kórsetti.

Qor sondaı-aq, Nur-Sultan jáne Almaty qalalarynyń 2000-nan astam dárigerlerine 50 000 teńge kóleminde aqshalaı qoldaý kórsetip jatyr.