Volonterlar jyly: Tarazda erikti jastar turǵyndarǵa medıtsınalyq kómek kórsetti

TARAZ. QazAqparat –Taraz qalasyndaǵy Jambyl joǵarǵy medıtsınalyq kolledjiniń erikti stýdentteri turǵyndarǵa tegin medıtsınalyq kómek kórsetti, - dep habarlaıdy QazAqparat.

Volonterlar jylyna oraı uıymdastyrylǵan aktsııa barysynda bolashaq aq halattylar qala turǵyndarynyń arterıaldy qan qysymyn, dene salmaǵyn, boıyn ólshep, keńes berdi. Turǵyndardyń densaýlyqtaryna qatysty jınalǵan málimetter qalalyq emhanalarǵa usynylmaq.

«Júrekten júrekke» uranymen ótkizilgen aktsııa sońynda eriktiler qaıyrymdylyq estafetasyn №12 Jambyl ındýstrıaldy-tehnologııalyq kolledjiniń eriktilerine joldady.

Aıta keteıik, búginde Jambyl joǵary medıtsınalyq kolledjinde 2 volonterlar toby jumys isteýde. Olarǵa qazirge deıin 200-ge tarta stýdent múshelikke qabyldanǵan. Olar sabaqtan bos ýaqyttaryn ıgilikti iske jumsap qaıyrymdylyqpen aınalysady.

Kolledj eriktileri «Eń úzdik volonter – 2018» jáne «Úzdik salalyq volonterlar» respýblıkalyq saıystarynda dıplomdarmen marapattalyp, oblystyq «Erikti jastar: Ar – Ujdan daýysy» volonterlar baıqaýynda jeńimpazdar qatarynan kóringen.