Volonterdiń tsıfrlyq pasporty jyl sońyna deıin engiziledi
ASTANA. KAZINFORM – Volonterlikti damytýdyń ulttyq ındeksi ázirlenip jatyr. Bul týraly Mádenıet jáne aqparat mınıstrliginen málim etti.
– Memleket basshysynyń bastamasymen BUU-nyń Bas assambleıasy 2026 jyldy Halyqaralyq volonterler jyly dep jarııalanyp, elimizde joǵary deńgeıde ári nátıjeli ótkizý maqsatynda Ulttyq uıymdastyrý komıteti quryldy jáne ulttyq is-sharalar jospary bekitildi. Jospar aıasynda 52 is-shara, onyń 12-si halyqaralyq deńgeıde uıymdastyrylýda. Jalpy, Memleket basshysynyń tapsyrmalaryn oryndaý maqsatynda BUU Eriktiler baǵdarlamasynyń sarapshylarymen birlesip, Volonterlikti damytýdyń ulttyq ındeksin, volonterlikti zańnamalyq deńgeıde yntalandyrýdyń jańa tásilderin ázirleý jumystary qolǵa alyndy, - dedi mınıstrdikten agenttiktiń resmı saýalyna oraı.
Sonymen qatar jaýapta jasandy ıntellektini qoldana otyryp, tsıfrlyq sheshimder engizý josparlanyp otyrǵany aıtylady.
– Atap aıtqanda, volonterlerdiń jobalarǵa qatysýyn tirkeýge jáne esepke alýǵa tsıfrlyq qujatty (volonterdiń tsıfrlyq pasporty) usyna otyryp, olardy verıfıkatsııalaýǵa arnalǵan mobıldi qosymshany osy jyldyń aıaǵyna deıin qosý jumystary pysyqtalýda, - dedi vedomstvodan.
Aıta keteıik, jyl basynda ótken Volenterler forýmynda Prezıdent Qasym-Jomart Toqaev Úkimetke eriktiler isin damytý boıynsha 2030 jylǵa deıingi kezeńdi qamtıtyn jańa mazmundy qujat ázirleýdi tapsyrǵan edi.