Volonter jyly: Qyzylordada stýdent jastarmen kezdesý ótti

QYZYLORDA. QazAqparat - Qyzylordada eriktiler jylyna oraı Á.Tájibaev atyndaǵy oblystyq ámbebap ǵylymı kitaphanasynda stýdent jastarmen kezdesý ótti, dep habarlaıdy QazAqparat tilshisi.

Kezdesý barysynda jastar qazaqtyń uly aqyny Abaıdyń jáne ǵulama oıshyl Ábý Nasyr ál-Farabıdiń ómir tarıhynan jan-jaqty habardar bolyp, shyǵarmashylyǵymen tanysty.

Sondaı-aq, shara barysynda «Imandy jas – el bolashaǵy» taqyrybynda suhbat órbidi. Onda Qazaqstan Musylmandary dinı basqarmasynyń Qyzylorda oblysy boıynsha ókili, «Aqmeshit-Syrdarııa» meshitiniń bas ımamy Bolatbek Ábýov jastarǵa«ata-anany qurmetteýdiń mártebesi, kórkem minezdilik, ımandylyq, meıirimdi bolý taqyryptarynda ónegeli áńgime aıtty.

Sondaı-aq Nur-Múbarak ýnıversıtetiniń 4-kýrs stýdenti Abylaı Kenjalyuly bilim alýdyń paryzdylyǵy, ýaqytty tıimdi paıdalanýdyń paıdasy jaıly súbeli oıymen bólisti.

Al, qalalyq «Jastar resýrstyq ortalyǵy» KMM-nyń dırektory Sabyrjan Baýyrjanuly óńirdegi erikti azamattardyń eren eńbekterimen tanystyra otyryp, eriktiliktiń mańyzy men maqsattaryn túsindirdi.

Budan buryn Qyzylordada Abaıǵa arnalǵan kitap kórmesi ashyldy.