Volkswagen Qytaı naryǵyndaǵy 33 myńnan astam kóligin keri shaqyrdy
ASTANA.QazAqparat - Nemistiń áıgili Volkswagen kompanııasy Qytaı naryǵynda satylǵan 33 myń 142 avtomobılin drenajdyq klapan aqaýyna baılanysty keri shaqyrdy. Bul týraly QHR Memlekettik sapany baqylaý jáne tekserý basqarmasynyń saıtynda jarııalanǵan, dep habarlaıdy «QazAqparat» HAA.
Bul 2014 jyldyń jeltoqsanynan 2017 jyldyń qarashasy aralyǵynda shyǵarylǵan Volkswagen Touareg avtomobılderine qatysty.
Derekkóz málimetine súıensek, drenajdyq klapan aqaýy qozǵaltqyshtaǵy sýdyń aǵyp ketýine ákelip, saldarynan apattyq jaǵdaı oryn alýy yqtımal.
Kólik quraldaryn qaıtaryp alý jumystary 30 sáýirden bastalady.
foto: publika.md
