Volkswagen Golf úlgisindegi avtokólikterdiń óndirisi toqtady
ASTANA. QazAqparat - Eýropanyń iri avtokontserni Volkswagen-niń Germanııadaǵy alty zaýytyndaǵy birneshe óndiristik konveıer jumysyn toqtatty, dep habarlaıdy 24.kz.
Ondaǵy 28 myń qyzmetkerdiń jumys ýaqyttary qysqartylsa, al keıbiri kezekten tys demalysqa ketýge májbúr boldy. Kontsern keıbir avtokólikterdi qurastyrýdy da toqtatty. Oǵan kóliktiń qosalqy bólshekterin jetkizýshi kompanııalarmen bir mámilege kele almaýy sebep bolyp otyr.
Oryndyqtardy qaptaıtyn matalar men berilis qorabyna arnalǵan bólshekter ýaqtyly jetkizilmeı jatyr.
Bild basylymnyń aqparaty boıynsha, avtokontsern 500 mln eýroǵa tapsyrys bergen. Alaıda, bylǵarynyń sapasy tómen bolǵandyqtan, aradaǵy kelisimshart buzylǵan. Degenmen tapsyrysty oryndaýshy kompanııa tıisti ótemaqyny talap etken. Biraq, Volkswagen ony tóleýden bas tartqan.
Kontsern Volfsbýrgtegi zaýytynda Golf kóligi óndirisin tolyǵymen toqtatty. Passat da shyǵarylmaıdy. Bul másele alty zaýyttyń óndiristik qýattylyǵyna keri áserin tıgizýde.
