Volkswagen AQSh-taǵy daýǵa baılanysty 1 mlrd dollar ótemaqy tóleıdi
ASTANA. QazAqparat - Volkswagen kompanııasy AQSh bıligimen dızel kólikterine qatysty daý boıynsha kelisimge keldi. Avtokontsern kólik ıelerine 1 mlrd dollardan astam ótemaqy tóleýdi mindetine alyp otyr. Bul týraly Associated Press agenttigi habarlady.
Byltyr qyrkúıek aıynda avtokontsern dızeldik qozǵaltqyshy bar avtomobılderdiń shyǵaratyn zııandy tútinine qatysty testilerdi jalǵan berip kelgeni anyqtaldy. Daýdan keıin kompanııa basshylyǵy aýysty. Amerıka naryǵynan kóptegen kólik keıin shaqyryldy. Kompanııaǵa qatysty AQSh-tyń Ádilet mınıstrligi tergeý júrgizýdi bastaǵan bolatyn.
