Volkswagen 23 myń qyzmetkerin qysqartpaq
ASTANA. QazAqparat - Nemistiń Volkswagen avtoóndirýshisi kásipodaqtarmen 23 myń qyzmetkerdi qysqartýǵa, óndiristik shyǵyndardy 3,7 mıllıard eýroǵa azaıtýǵa ýaǵdalasty, dep habarlaıdy QazAqparat.
Maǵlumatqa ıe derekkózge silteme jasap Bloomberg-tiń jazýynsha, kásipodaq ókilderi jumysshylardyń jappaı qysqartylýyna basshylyqtyń jańa jumys oryndaryn qurýǵa jáne elektrokar sektoryn damytýǵa bergen ýádesinen keıin kelisken. Volkswagen elektromobılder óndirisi men sandyq júıe qurý úshin 9 myń jańa jumys ornyn ashýdy josparlaýda. Budan basqa, Volkswagen kásipodaqtarmen ýaǵdalastyq aıasynda Germanııada - Volfsbýrg jáne Tsvıkkaý zaýyttarynda elektromobılderdi qurastyrýǵa kelisti.
Nemis zaýyttaryndaǵy óndiristik shyǵystardyń qysqartylýy - 3 mıllıard eýrony, sheteldik zaýyttarda 700 mıllıon eýrony quramaq, dep habarlady Lenta.rý. Qazannyń sońynda nemistiń Volkswagen Ag avtokontserni amerıkalyq kólik ıeleri men AQSh bıligine 14, 7 mıllıard dollar ótemaqy tóleıtini belgili boldy.
