Volgogradtaǵy jarylys: Jankeshti áıeldiń kim bolǵany anyqtaldy
ASTANA. 29 jeltoqsan. QazAqparat - Reseılik kúsh qurylymdary búgin Volgogradta lańkestik jasaǵan jankeshti áıeldiń kim ekenin anyqtady, dep habarlaıdy «RIA-Novostı».
Esterińizge sala keteıik, búgin Volgogradta Máskeý ýaqytymen 12.45-te (Astana ýaqytymen 14.45-te) temirjol vokzalynda jarylys boldy. Sońǵy málimetter boıynsha, jarylys saldarynan 14 adam kóz jumdy, ondaǵan adam zardap shekti.
«Nusqalardyń biri boıynsha, lańkestik aktisin daǵystandyq Oksana Aslanova jasaǵan bolýy múmkin, alaıda bul aqparatty tekserý qajet», - dedi quqyqqorǵaý organdaryndaǵy derekkóz.
Onyń aıtýynsha, O. Aslanova arnaıy operatsııa barysynda óltirilgen sodyrlar kóshbasshylarynyń biriniń jubaıy bolǵan.
