Volgogradta jarylys bolǵan úıdiń irgesindegi úıindi astynda 14 adam qalǵan bolýy múmkin - VIDEO
ASTANA. QazAqparat - Volgogradta turǵyn úıde gaz jarylyp, 2-shi qabattan bastap, 9-shy qabatqa deıingi úıdiń jabyny opyryldy, dep habarlady RIA Novostı aımaqtyq shuǵyl qyzmetterdegi derekkózge silteme jasap.
«Aldyn ala málimetter boıynsha, jarylys Kosmonavtar kóshesindegi toǵyz qabatty panelden salynǵan úıdiń 7-qabatynda bolǵan, ekinshi qabattan toǵyzynshy qabatqa deıingi úı jabyny opyrylyp qulady jáne jarylystan keıin órt shyqty», dedi agenttik suhbattasýshysy.
Sońǵy sáterde málim bolǵandaı, jarylys bolǵan jerde úıindiniń astynda 10-nan 14 adamǵa deıin bolýy múmkin, dep habarlaıdy TASS.
Buǵan deıin jarylys bolǵan jerden 5 adamnyń máıiti tabylǵany habarlanǵan bolatyn.
