Volgogradta nemisterdiń avıabombasy tabyldy
ASTANA. 19 mamyr. QazAqparat - Volgogradta Uly Otan soǵysy kezinen qalǵan 150 kılogramdyq nemistiń avıabombasy tabyldy dep jazady Lenta.rý. Ony Gýmrak aýylynyń mańynda qurylys jumystary kezinde qurylysshylar taýyp alypty.
RF TJM habarlaǵandaı, jyldyń basynan beri osy aýmaqtan 5 bomba tabylǵan. 12 mamyrda rostovtyq pırotehnıkter Uly Otan soǵysy kezinen qalǵan 2 bombany zalalsyzdandyrǵan bolatyn.
Volgograd oblysynda jylyna orta eseppen júzdegen jarylmaı qalǵan bombalar tabylady. Olardyń barlyǵy 1942-1943 jyldardaǵy Stalıngrad túbindegi shaıqas kezinen qalǵan bombalar bolyp tabylady.
