Volgogradta blındajdan qazaqstandyq 19 keńes sarbazynyń súıegin qazyp aldy

ASTANA. QazAqparat - 27 jeltoqsanda izdeýshiler Volgogradtaǵy Keńes aýdanynda blındajdy qazdy. Bul jumysty «Krasnoarmeets» izdestirý jasaǵy júrgizdi.

Qazba barysynda UOS-ta qaza tapqan 19 sarbazdyń súıegi tabyldy, dep habarlady «Bloknot Voljskogo».

«Krasnoarmeets» jasaǵynyń izdeýshileri Volgogradtyń Keńes aýdanynan 19 áskerdiń súıegin tapty. Jaýyngerler shamamen 1943 jyly qańtarda qaza tapqan degen boljam bar. Aldyn ala derekter boıynsha olar Soltústik Qazaqstanda qurylǵan 29 atqyshtar dıvızııasynyń sarbazdary bolýy yqtımal.

«Krasnoarmeets» jasaǵynyń basshysy Denıs Solovevtiń aıtýynsha, aldaǵy ýaqytta 19 sarbaz Rossoshkadaǵy memorıaldyq qabirge jerlenbek.