Volgograd oblysynyń Novoderbenov hýtorynda túıneme aýrýynyń qozdyrǵyshy paıda bolýyna baılanysty karantın jarııalandy - Reseı
ASTANA. Tamyzdyń 10-y. QazAqparat - Volgograd oblysynda túıneme aýrýynyń qozdyrǵyshy paıda boldy. Bul jóninde Veterınarlyq jáne fıtosanıtarlyq qyzmetti baqylaý jónindegi federaldyq qyzmet habarlady, dep jazady ITAR-TASS agenttigi.
Vedomstvonyń habarlaýynsha, «Novoderbenov hýtorynda alynǵan saraptaýǵa qaraǵanda, osy eldi mekende túınemeniń qozdyrǵyshy anyqtalǵan».
Novoderbenov hýtorynyń túınemege qandaıda bir qatysy bar degen eki kúdikti azamaty aýrýhanaǵa jóneltildi. «Hýtorǵa karantın jarııalandy, osyǵan sáıkes túınemeniń aldyn alý jóninde naqty sharalar qarastyrylýda», - dep habarlaıdy Federaldyq karantın qyzmeti.
