Volgograd lańkesi óltirildi
ASTANA. QazAqparat - Mahachkalada kúsh-qýaty qurylymdary Volgogradtaǵy lańkestik áreketti uıymdastyrýshylardyń biriniń kózin joıdy. Sodyrlar Daǵystan astanasynda, Gagarın kóshesindegi bir úıde qamaýǵa alyndy, dep habarlady Ýtro.rý.
Kúsh-qýat qurylymdarynyń málimeti boıynsha, páterde alty lańkes bolǵan. Kelissóz nátıjesinde olardyń bireýi qarsylyqsyz berilip, basqalary qarýly qarsylyq kórsetken. Atys kezinde barlyq lańkestiń kózi joıyldy. Óltirilgender ishinde 25 jastaǵy orys vahhabıty, Volgogradtaǵy lańkestik áreketke qatysqan bandalyq toptyń kóshbasshysy Abdýl-Malık laqap atymen tanylǵan Alekseı Pashentsev bar.
