Voleıboldy otyryp oınaýdan Qazaqstan quramasy Azııa chempıonatynyń jartylaı fınalyna shyqty

ASTANA. KAZINFORM — Qytaıdyń Hanchjoý qalasynda voleıboldy otyryp oınaýdan ótip jatqan Azııa chempıonatynda Qazaqstan quramasy irikteý kezdesýlerin sátti ótkizdi. 

Atalǵan jarysqa 8 erler jáne 7 áıelder qurama komandalary qatysyp jatyr.

Qazaqstandyqtar aldymen Saýd Arabııasyn oısyrata utty — 3:0 (25:13, 25:8, 25:9).

Sodan keıin Japonııa quramasyn da osyndaı eseppen tize búktirdi — 3:0 (25:18, 25:13, 25:16).

Qazaqstan quramasy búgin Aýstralııany 3:0 esebimen jeńip, jartylaı fınalǵa shyqty.

Qazaqstan quramasynyń bas bapkeri Baýyrjan Tahaýovtyń aıtýynsha, 13 maýsym kúni qazaqstandyqtar jartylaı fınalda Taılandpen oınaıdy.

Fınaldyq báseke 14 maýsym kúni bolady.

Voleıboldy otyryp oınaýdan Qazaqstan quramasynyń ótken jyly Parıj Paralımpıadasynda besinshi orynǵa ıe bolǵany belgili.

Eske sala keteıik, budan buryn «Atyraý» klýbynyń paravoleıboldan Azııa chempıonatynda jeńimpaz atanǵanyn jazǵan bolatynbyz.