Voleıboldy otyryp oınaýdan Qazaqstan komandasy Azııa Para oıyndarynyń fınalyna shyqty
ASTANA. KAZINFORM - 22 qazanda ótken jartylaı fınaldyq kezdesýde Qazaqstan quramasy Irak komandasyn 3:2 esebimen jeńdi, dep habarlaıdy QR TSM Sport jáne dene shynyqtyrý isteri komıteti Dene múmkindikteri shekteýli tulǵalarǵa arnalǵan sporttyq daıarlaý ortalyǵy,
Tartysty ótken kezdesýdiń alǵashqy eki setinde Irak quramasy 27:25 jáne 25:21 esebimen basym tústi. Alaıda qazaqstandyq voleıbolshylar oıyn barysyn ózgertip, kelesi úsh sette 25:13, 25:15 jáne 15:8 esebimen jeńiske jetti.
Aıta keteıik, buǵan deıin Qazaqstan quramasy Taıland komandasyn jeńip, Iran quramasyna 0:3 esebimen ese jibergen bolatyn.
Endi Qazaqstan quramasy Azııa Para oıyndarynyń altyn medali úshin synǵa túsedi.
Aıta keteıik, V Azııa Para oıyndarynyń besinshi jarys kúninde qazaqstandyqtar 16 medal jeńip aldy.
