Voleıboldy otyryp oınaýdan Azııa chempıonaty: Qazaqstan altynǵa talasady

ASTANA. KAZINFORM — Qytaıdyń Hanchjoý qalasynda voleıboldy otyryp oınaýdan ótip jatqan Azııa chempıonatynda Qazaqstan quramasy fınalǵa joldama aldy. 

Qazaqstandyqtar jartylaı fınalda Taıland quramasymen sheberlik baıqasty.

Baýyrjan Tahaýovtyń shákirtteri aıqyn basymdylyq tanytyp, 3:0 (25:15, 25:15, 25:5) esebimen jeńiske jetti. 

Ekinshi jartylaı fınalda Qytaı Japonııany 3:1 esebimen qapy qaldyrdy.

Qazaqstan quramasynyń bas bapkeri Baýyrjan Tahaýovtyń aıtýynsha, erteń Qytaımen fınaldyq match Qazaqstan ýaqytymen saǵat 13.00-de bastalady.

Osyǵan deıin qazaqstandyq paravoleıbolshylar Azııa birinshiliginde fınalǵa deıin jetken edi.

Eske sala keteıik, budan buryn voleıboldy otyryp oınaýdan Qazaqstan quramasynyń Azııa chempıonatynyń jartylaı fınalyna shyqqanyn jazǵan edik.