Voleıboldan Joǵary lıganyń «B» tobyndaǵy áıelder komandalary arasynda el chempıonatynyń 4-shi týry búgin bastalady
ALMATY. 7 naýryz. QazAqparat - Astanada 7-12 naýryz kúnderi voleıboldan Joǵary lıganyń «B» tobyndaǵy áıelder komandalary arasynda Qazaqstan chempıonatynyń 4-shi týry ótedi.
Buǵan deıin 13-18 qarasha men 13-18 jeltoqsan kúnderi Almatyda jáne 12-17 aqpanda Astanada ótken týrlarda Almaty qalasynyń «Almatınochka-Almaty» komandasy qarsylas shaq keltirmeı, bárin de utqan bolatyn. Qazir olar 15 oıynnan keıin 44 upaımen týrnır kestesinde qara úzip ketti. Odan keıingi oryndarda Ońtústik Qazaqstan oblysynyń «Qazyǵurt» ( 31 upaı), Soltústik Qazaqstan oblysynyń «Qýanysh ı K» (27 upaı), Almaty oblysynyń «Jetisý-2» (15 upaı), Astana qalasynyń «Oqýshylar saraıy» (14 upaı) jáne Almaty qalasynyń «TsSKA-VKS-KazAST» (4 upaı) komandalary kele jatyr.
Elordadaǵy bul básekede alǵashqy kúni Almaty men Ońtústik Qazaqstan oblystary, Almaty qalasynyń qos komandasy jáne astanalyqtar men Soltústik Qazaqstan oblysynyń voleıbolshylary kezdespek.
