Voleıboldan Joǵary lıgadaǵy áıelder komandalary arasyndaǵy el chempıonatynyń 2-týrynda 2 komanda ǵana jeńilissiz kele jatyr
ALMATY. 7 jeltoqsan. QazAqparat /Erlik Erjanuly/ - Almatydaǵy Oktıabr Jarylqapov atyndaǵy sport keshenindegi voleıboldan Joǵary lıgadaǵy áıelder komandalary arasyndaǵy XIX Qazaqstan chempıonatynyń 2-týrynda keshe jeńilisiz kele jatqan komandalar sany 4-ten 2-ge deıin qysqardy.
Buǵan deıin alǵashqy úsh kúnde barlyq kezdesýler 3:0 esebimen aıaqtalǵan bolatyn. Keshe bes kezdesýdiń tórteýinde 3:1, al bireýinde 3:0 esebi tirkeldi. Onda jeńilissiz kele jatqan Qostanaıdyń «Ivolgasy» Óskemenniń «Shyǵys-QorǵasynQurylys» komandasyna, al temirtaýlyq «Spartak AMT» Qaraǵandynyń "Qaraǵandy-2" komandasyna 1:3 esebimen ese jiberdi. Óz sheberlikterin bul joly taǵy dáleldegen Almatynyń "TsSKA-Almaty" klýby taldyqorǵannyń «Jetisý-2» voleıbolshylaryn 3:0 esebimen oısyrata utty.
