Voleıboldan Joǵary lıgadaǵy áıelder komandalary arasynda HІH Qazaqstan chempıonatynyń 1-týry aıaqtaldy
ALMATY. 17 qarasha. QazAqparat /Erlik Erjanuly/ - Temirtaýda 11-16 qarasha kúnderi voleıboldan Joǵary lıgadaǵy áıelder komandalary arasynda HІH Qazaqstan chempıonatynyń 1-týr oıyndary ótti.
Onda barlyq qarsylastaryn oısyrata utqan Óskemen qalasynyń «Shyǵys-QorǵasynQurylys» komandasy 17 upaımen týrnır kestesinde kósh bastady. Olarǵa 12 qarasha kúni 21-25, 16-25, 25-23, 26-24, 15-10 esebimen utylǵan jarys qojaıyndary (Spartak AMT) 13 upaımen ekinshi oryn aldy. Al 12 upaıdan jınaǵan «Ivolga» (Qostanaı) men «Almaty-TsSKA» 3-4-oryndardy bólisti. Qostanaılyqtar Óskemen men Almatydan kelgen qurdastarynan utylsa, almatylyqtar týrnır kestesinde 1-2-oryn alǵan «Shyǵys-QorǵasynQurylys» pen «Spartak AMT» voleıbolshylaryna ǵana ese jiberdi. Bul týrda birde bir upaı ala almaǵan Taldyqorǵannyń «Jetisý-2» komandasy boldy. Olar 10-orynda. Onyń aldynda 4 upaımen Shymkenttiń «Qazyǵurt» jáne 7 upaımen Pavlodardyń «Hromtaýy» tur.
