Voleıboldan joǵary lıgadaǵy áıelder komandalary arasynda el chempıonatynyń 3-týry ótedi
ALMATY. 23 aqpan. QazAqparat - Almatyda 24-29 aqpanda voleıboldan joǵary lıganyń «A» tobyndaǵy áıelder komandalary arasynda HH Qazaqstan chempıonatynyń 3-týry ótedi.
Alǵashqy 2 týrdyń qorytyndysy boıynsha Joǵarǵy lıgadaǵy 12 komanda toptarǵa bólingen bolatyn. Endi 24-28 aqpanda 1-6-nshy oryndardy alǵandar Almatyda, al 7-12-nshi oryndardy ıelengender Óskemende kúsh synaspaq.
Erteń Almatyda Qostanaı qalasynyń «Qostanaı» men Qaraǵandy oblysynyń «Qaraǵandy-2», Temirtaý qalasynyń «Spartak AMT» men Almaty qalasynyń «Almatınochka» jáne Oraldyń «Gratsııa» men Pavlodardyń «Qazhromy» kezdesedi. Al Óskemende Astananyń «Astana-2» men Taldyqorǵannyń «Jetisý-2», Almatynyń «QazEÝ» men «TsSKA-VKS» jáne Óskemenniń «Shyǵys-QorǵasynQurylys» pen Shymkenttiń «Qazyǵurt» komandalary ózara saıysqa túsedi.
