Voleıboldan joǵary lıgadaǵy áıelder komandalary arasynda el chempıonatynyń 3-shi týr oıyndary aıaqtaldy
ALMATY. 18 aqpan. QazAqparat - Astanada 12-17 aqpan kúnderi voleıboldan joǵary lıganyń «B» tobyndaǵy áıelder komandalary arasynda Qazaqstan chempıonatynyń 3-shi týr oıyndary ótti.
Ondabes kezdesýdemúmkin bolǵan eń joǵary - 15 upaıdyń 14-in óz qorjynyna salǵan Almaty qalasynyń «Almatınochka-Almaty» komandasy óziniń jeńisti serııasyn odan ary jalǵastyrdy. Al 10 upaıdan enshilegen Soltústik Qazaqstan oblsynyń «Qýanysh jáne K» jáne Ońtústik Qazaqstan oblysynyń «Qazyǵurt» komandalary sáıkesinshe ekinshi, úshinshi oryndardy aldy. Alań qojaıyndarynyń «Oqýshylar saraıy» 8 upaımen - tórtinshi, Almaty oblysynyń «Jetisý-2» voleıbolshylary 3 upaımen besinshi orynǵa taban tirese, qorjynyna birde-bir upaı sala almaǵan Almaty qalasynyń «TsSKA-VKS-QazAST» komandasy kósh sońynda qaldy.
Qazir 3 týrdyń qorytyndysy boıynsha týrnır kestesinde on bes oıynnan keıin 44 upaımen «Almatınochka-Almaty» ózgelerden uzap ketti. «Qazyǵurt» 28 upaımen - ekinshi, «Qýanysh ı K» 27 upaımen - úshinshi, «Jetisý-2» 15 upaımen - tórtinshi, «Oqýshylar saraıy» 14 upaımen - besinshi, «TsSKA-VKS-QazAST» 4 upaımen altynshy orynda tur.
Kelesi týr naýryz aıynda Astanada qaıta jalǵasady. Buǵan deıin 1-2 týr 13-18 qarasha men 13-18 jeltoqsan kúnderi Almatyda ótken bolatyn. Onda «Almatınochka-Almaty» birde-bir oıynda jeńilis tappasa, «TsSKA-VKS-QazAST» bir oıyndy ǵana óz paıdasyna sheshe aldy. Al «Qazyǵurt» - 5, Qýanysh jáne K» - 6, «Jetisý-2» men «Oqýshylar saraıy» 10 kezdesýde jeńilis tapty.
