Voleıboldan Joǵarǵy lıganyń áıelder komandalary arasynda el chempıonatynyń 3-shi týry bastaldy

Odan keıin «Qostanaı men «Qaraǵandy-2», Pavlodardyń «Ertis-Qazhrom-2» men Astananyń «Gratsııa-Astana KZ» voleıbolshylary ózara kúsh synasady. Buǵan deıingi 13-18 qarasha kúndeir Almatyda jáne 13-18 jeltoqsanda Óskemende ótken týrlarda qostanaılyqtar men astanalyqtar óz qarsylastaryn 3:0, al óskemendikter 3:2, 3:0 esebimpen utqan bolatyn. Qazir 10 oıynnan keıin óskemendikterde - 27, qostanaılyqtarda - 23, astanalyqtarda - 15, temirtaýlyqtarda - 14, pavlodarlyqtarda - 8, qaraǵandylyqtarda - 2 upaı bar. Úshinshi týrdaǵy bul saıysta komandalar senbide bir kún tynyǵyp, 17-18 aqpanda aqtyq 2 kezdesýlerin ótkizetin bolady.

Sondaı-aq Astanada 13-18 aqpan kúnderi voleıboldan Joǵarǵy lıganyń «B» tobyndaǵy áıelder komandalary arasynda Qazaqstan chempıonatynyń 3-shi týr oıyndary ótedi. Buǵan deıin 13-18 qarasha men 13-19 jeltoqsan kúnderi Almatyda ótken alǵashqy 2 týrda birde-bir oıynda jeńilmegen Almaty qalasynyń «Almatınochka» komandasy 10 kezdesýde eń joǵarǵy 30 upaıdy túgel óz qorjynyna salǵan bolatyn. Odan keıingi orynda Ońtústik Qazaqstan oblysynyń «Qazyǵurt» (21 upaı), Soltústik Qazaqstan oblsynyń «Qýanysh ı K» (17 upaı), Almaty oblsynyń «Jetisý-2» (12 upaı), Astana qalasynyń «Oqýshylar saraıy» (6 upaı) men Almaty qalasynyń «TsSKA-VKS-KazAST» (4 upaı) komandalary ózara bólisti.

Endi 3-shi týr oıyndary Almaty men Ońtústik Qazaqstan voleıbolshylarynyń matchymen bastaldy. Odan keıin almatylyq qos komanda ózara kezdesedi. Al alǵashqy jarys kúni astanalyqtar men soltústikqazaqstandyqtardyń saıysymen aıaqtalmaq. Buǵan deıin «jetisýlyqtar» qarsylasyna 2 ret 0:3 bop utylsa, «almatınochka» óz jerlesterin 3:0 etip jeńgen. Astanalyqtar bolsa birinshi kezdesýin 3:0 etip aıaqtaǵanymen, ekinshi oıynda 1:3 esebimen jeńilis tapqan edi.