Voleıboldan Joǵarǵy lıganyń «A» dıvızıonynda erler arasynda 2 komanda jeńilissiz keledi
ALMATY. 26 qarasha. QazAqparat - Almatyda Joǵarǵy lıganyń «A» dıvızıonyndaǵy erler komandalary arasynda Qazaqstan chempıonatynyń 1-shi týry ótip jatyr.
Alǵashqy 3 kezdesýdiń qorytyndysy boıynsha týrnır kestesin 8 upaımen «Shyǵys QorǵasynQurylys-2» (Óskemen) men «Ushqyn-QazUAÝ» voleıbolshylary bastap kele jatyr. Olardy 1 upaıy kem «Dınamo-Qazyǵurt» (Shymkent) ókshelep keledi. Qorjynynda 4 upaıy bar «Jaıyq-Kondensat» (Oral) pen «Semeı» 4-5 oryndy bólisse, 3 upaıy bar «Esil-Vıktorııa» (Qyzyljar) altynshy, 2 upaıy bar «Ertis-AQ AO» (Pavlodar) jetinshi, al birde-bir upaıy joq «VSMK ArselorMıtall» (Temirtaý) týrnır kestesin túıindeýde.
Búgin endi shymkenttikter óskemendiktermen, temirtaýlyqtar qyzyljarlyqtarmen, almatylyqtar semeıliktermen, pavlodarlyqtar oraldyqtarmen kúsh synasýda. Eger kósh basshylar bul oıynda da qarsylastarynan basym tússe, erteń ózara saıysqa túsip naǵyz myqtyny anyqtaıtyn bolady. Jalpy el chempıonatynyń alǵashqy týrynyń nátıjesi 29 qarasha kúngi aqtyq kezdesýlerden keıin belgili bolmaq.
