Voleıboldan jasóspirimder arasyndaǵy el birinshiliginde batysqazaqstandyqtar jeńimpaz atandy
ORAL. 13 qańtar. QazAqparat /Eljan Eraly/ - Astana qalasynda ótken voleıboldan 1994-1995 jyldary týǵan jasóspirimder arasyndaǵy el birinshiliginde BQO quramasy jeńimpaz atandy.
«Jaıyq» voleıbol klýbynyń basshysy Shoqan Keńesovtiń aıtýynsha, jarysqa barlyǵy on komanda qatysty. Jastar men jasóspirimder arasyndaǵy BQO quramasynyń aǵa bapkeri Sergeı Kazak jattyqtyratyn batysqazaqstandyqtar fınaldyq básekede almatylyq, soltústikqazaqstandyq jáne astanalyqtardan basym túsip, birinshi oryndy ıelendi.
Batysqazaqstandyqtar sapynda Aıdyn Altynbekov (boıy 2 metr 6 santımetr), Áset Haırýshev, Evgenıı Gof, Roman Krıvonojkın syndy oıynshylar erekshe kózge tústi. Bulardyń tórteýine de «Kondensat» kompanııalar toby demeýshilik kórsetip, shákirtaqy tólep keledi.
1996-1997 jylǵylar arasynda 15 komandanyń arasynan batysqazaqstandyqtar on ekinshi oryndy qanaǵat tutsa, 1998-1999 jyldary týǵan jetkinshekterdiń arasyndaǵy básekede oraldyqtar kúmis júldeni jeńip aldy.
