Voleıboldan Ulttyq lıgadaǵy erler komandalary HHІ Qazaqstan chempıonatynyń 1-shi týryn Hromtaýda ótkizedi
ALMATY. 9 qarasha. QazAqparat - Hromtaýda 11-18 qarasha kúnderi voleıboldan Ulttyq lıgadaǵy erler komandalary arasynda 2012/2013 jylǵy maýsymdaǵy HHI Qazaqstan chempıonatynyń 1-shi týry ótedi.
Oǵan «Almaty», «TNK Qazhrom» (Hromtaý), «Shyǵys-QorǵasynQurylys» (Óskemen), «Atyraý», «Esil» (Qyzyljar), «Kondensat» (Oral) jáne «Pavlodar» komandalary qatysady. Pavlodarlyqtar bul dúbirli dodaǵa Ulttyq lıganyń Atqarý komıteti men jattyqtyrýshylar keńesiniń sheshimimen qosylyp otyr.
Jalpy el chempıonatynyń 2-5 týrlary 7-16 jeltoqsanda - Pavlodarda, 7-16 aqpanda - Óskemende, 5-14 naýryzda - Atyraýda, 5-14 sáýirde - Almatyda ótpek. Buǵan deıingi maýsymdarda el chempıony ataǵyn almatylyqtardan «TsSKA-Azamat» klýby 1 ret (1996), «Azamat» klýby 2 ret (1993-94), «Rahat-TsSKA» klýby 2 ret (2004-05), «Rahat» klýby 2 ret (206-07), «Almaty» klýby 5 ret (2008-2012) ıelengen bolatyn. Al temirtaýlyqtardan «Bolat» 1995 jyly, oraldyqtardan «Jaıyq» - 1998 jyly, «Konsensat» - 2001 jyly, semeılikter - 2002 jyly, atyraýlyqtar - 2003 jyly bul mártebeni ıelendi.
