Voleıboldan Ulttyq lıgadaǵy erler komandalary arasynda HІH Qazaqstan chempıonaty Hromtaýda bastalady
ALMATY. 15 jeltoqsan. QazAqparat /Erlik Erjanuly/ - Hromtaýda 19-24 jeltoqsan kúnderi voleıboldan Ulttyq lıgadaǵy erler komandalary arasynda HІH Qazaqstan chempıonatynyń 1-týr oıyndary ótedi.
Bul dúbirli dodaǵa Almaty («Almaty»), Atyraý («Atyraý»), Qyzyljar («Esil»), Oral («Kondensat»), Hromtaý («TNK Qazhrom») jáne Óskemen («ShyǵysQorǵasynQurylys») qalalarynyń voleıbolshylary qatysady. «Almaty» men «Esil» arasyndaǵy kezdesýmen bastalatyn bul synda alǵashqy kúni atyraýlyqtar óskemendik, al hromtaýlyqtar oraldyq qurdastarymen saıysqa túsedi.
Ótken jylǵy el chempıonatynda 8 komanda baq synaǵan bolatyn. Bıyl olardyń arasynan Almatynyń «TsSKA-Almaty» men Atyraýdyń «Atyraý-2» komandalary Joǵary lıganyń A tobynda óner kórsetýde.
