Voleıboldan Ulttyq lıgadaǵy el chempıondary jańa maýsymda úzdikter qatarynda keledi
ALMATY. 14 qarasha. QazAqparat -Hromtaýda voleıboldan ótip jatqan Ulttyq lıgadaǵy erler komandalary arasyndaǵy Qazaqstannyń HHІ chempıonatynyń 1-shi týrynda
úsh oıynnyń qorytyndysy boıynsha atyraýlyqtar 9 upaımen kósh bastap keledi.
Pavlodarlyqtardy 3:0, qyzyljarlyqtar («Esil») men oraldyqtardy («Kondensat») 3:1 esebimen utqan olar, búgin ótken maýsymda el chempıony atanǵan almatylyqtarmen kúsh synasady. Pavlodarlyqtar qazir 6 upaımen ekinshi orynda tur.
Al olardan 1 oıyny kem «Almaty» voleıbol komandasy alǵashqy kezdesýde alań qojaıyndaryna («TNK Qazhrom») 2:3 bolyp utylyp qalǵanymen, keshe óskemendikterdi («Shyǵys-QorǵasynQurylys») 3:1 etip utyp, 4 upaımen 5-ten 3-shi satyǵa kóterildi. Almatylyqtarǵa óz ornyn bosatqan oraldyqtardardyń qorjynynda - 4, hromtaýlyqtar men qyzyljarlyqtarda - 2, al ósekemendikterde birde-bir upaı joq.
