Voleıboldan Ulttyq lıgadaǵy el chempıonatynyń kóshbasshylary arasyndaǵy kezdesý qorytyndysy teńesti
ALMATY. 8 naýryz. QazAqparat - Atyraýda voleıboldan Ulttyq lıgadaǵy erler komandalary arasynda HHI Qazaqstan chempıonatynyń 4-shi týrynda «Almaty» men «TNK Qazhrom» arasyndaǵy teketires qyza tústi.
Alǵashqy 2 týrda 2:3 esebimen hromtaýlyqtarǵa ese jibergen almatylyqtar sońǵy 2 týrda dál osyndaı eseppen qarsylastarynan basym túsip, jalpy kezdesý qorytyndysyn teńestirdi. Qazir olar týrnır kestesinde 19 oıynnan keıin 43 upaımen kóshbasshylyq tizgindi óz qolyna berik ustap kele jatyr. Odan bir oıyny artyq «TNK Qazhrom» 39 upaımen - ekinshi, «Kondensat» (Oral) 33 upaımen - úshinshi, «Atyraý» men «Pavlodar» 32 upaımen 4-5 orynda, «Shyǵys-QorǵasynQurylys» (Óskemen) - 6-shy, al 19 kezdesýde 12 upaı jınaǵan «Esil» (Qyzyljar) týrnır kestesin túıindeýde.
Búgin óskemendikter - almatylyq, qyzyljarlyqtar - oraldyq, atyraýlyqtar pavlodarlyq voleıbolshylarmen kezdesedi.
