Voleıboldan Ulttyq lıgadaǵy áıelder komandalary arasyndaǵy el chempıonatynyń aqtyq týry Taldyqorǵanda ótedi
ALMATY. 30 naýryz. QazAqparat - Voleıboldan 3-10 sáýir kúnderi Taldyqorǵandaǵy «Jastar» sport kesheninde Ulttyq lıgadaǵy áıelder komandalary arasynda HH Qazaqstan chempıonatynyń 6-týr oıyndary bolady.
Ótken jyl chempıony atanǵan Almaty oblysynyń «Jetisý» komandasy 2010/2011 jylǵy maýsymda da qarsylas shaq keltirmeı, chempıondyq ataqqa merziminen buryn qol jetkizdi. Olar endi 20-30 sáýir kúnderi Taılandtyń Nakhon Ratchasıma qalasynda ótetin Azııa chempıonatynda el namysyn qorǵaıtyn bolady. Al Qazaqstan chempıonatynyń kúmis jáne qola júldesin bıyl astanalyqtar men pavlodarlyqtar ıelenýi múmkin. Ótken 5 týrda «Jetisý» - 54, «Astana» - 39, «Ertis Qazhrom» (Pavlodar oblysy) - 32, Qaraǵandy» (Qaraǵandy oblysy) - 25, «Almaty» - 20, Metallýrg AMT» (Temirtaý) - 13, «Shyǵys-Qorǵasyn Qurylys» (Óskemen) - 6 upaı jınaǵan bolatyn. Aqtyq týr endi Astana men Almaty qalalarynyń voleıbolshylary arasyndaǵy oıynmen bastalady. Odan keıin Pavlodar men Qaraǵandy oblystarynyń jáne Almaty oblysy men Óskemen qalasynyń komandalary kezdesedi. Almatylyq voleıbolshy qyzdar Ulttyq lıgadaǵy erler komandalayr arasynda kósh bastap kele jatqan jigitterdiń nátıjesine qol jetkize almady. Olar bul maýsymda úzdik úshtiktiń qataryna ene almady.
