Voleıboldan Ulttyq lıgadaǵy áıelder komandalary arasyndaǵy el chempıonatynyń 3-týrynda 2 komanda ǵana jeńilissiz kele jatyr
ALMATY. 19 qańtar. QazAqparat /Erlik Erjanuly/ - Voleıboldan Astanada Ulttyq lıgadaǵy áıelder komandalary arasynda ótip jatqan HH Qazaqstan chempıonatynyń 3-týrynda da «jetisýlyqtar» týrnır kestesinde kóshbasshylyq tizgindi eshkim berer emes.
Alǵashqy 3 kezdesýdiń qorytyndy boıynsha qazir Almaty («Jetisý») men Qaraǵandy oblystarynyń («Qaraǵandy») sportshylary ǵana jeńilssiz kele jatyr. Jetisýlyqtar Pavlodar oblysynyń «Ertis-Qazhrom» men alań qojaıyndarynyń «Astana» komandalaryn 3:0 esebimen utty. Al qaraǵandylyqtar almatylyqtar («Almaty») men óskemendikterdi («Shyǵys-QorǵasynQurylys») 3:1, temirtaýlyqtardy («Metallýrg AMT») 3:2 esebimen utty. Búgin endi jeńilissiz kele jatqan eki komandanyń arasyndaǵy jeńimpaz belgili bolady. Onda qaraǵandylyqtarǵa qaraǵanda jetisýlyqtardyń múmkindigi mol. Ótken maýsymda el chempıony atanǵan Almaty oblysynyń voleıbolshylary bıylǵy jyldy sátti bastady. Búgin sondaı-aq «Shyǵys-QorǵasynQurylys» pen «Almaty», «Ertis-Qazhrom» pen «Astana» komandalary da ózara kúsh synasady.
