Voleıboldan Ulttyq lıgadaǵy áıelder komandalary arasyndaǵy el chempıonatynyń 1-týryndaǵy 3 kezdesýde de birdeı esep tirkeldi
ALMATY. 22 qarasha. QazAqparat /Erlik Erjanuly/ - Óskemende voleıboldan Ulttyq lıgadaǵy áıelder komandalary arasynda HH Qazaqstan chempıonatynyń 1-týry ótip jatyr.
Keshe Qaraǵandy, Pavlodar oblystary men Astana qalasynyń sportshylary alǵashqy jeńisterine qol jetkizdi. Onda temirtaýlyq («Metallýrg AMT»), almatylyq jáne óskemendik (Shyǵys-QorǵasynQurylys») voleıbolshylar qarsylastaryna 0:3 esebimen oısyraı utyldy. Búgin endi bıylǵy el chempıony Almaty oblysynyń «Jetisý» komandasy alǵashqy kezdesýinde birinshiliktiń kúmis júldegeri Pavlodar oblysynyń «Ertis-Qazhromymen» saıysqa túsedi. Al temirtaýlyqtar astanalyq, óskemendikter qaraǵandylyqtarmen kúsh synasady. Jupsyz qalǵan «Almatylyqtar» endi erteńgi «Metallýrg AMT» sportshylarymen bolatyn oıynǵa daıyndyǵyn pysyqtaıtyn bolady.
